Event Engadin Samnaun Val Müstair

DA COUR - Concert pel giubileum da 25 ons La Cumbricula

img_wt1_iaffccfjh
DA COUR - Concert pel giubileum da 25 ons La Cumbricula. Da dudir sun las 15 chanzuns predilettas da l’ensemble vocal engiadinais.

Beschreibung

Datum
21.06.2024 von 20:00 bis 21:20 Uhr
Preis
Kollekte
Ort
Baselgia refuormada

L’ensemble vocal engiadinais La Cumbricula es nat dürant l’utuon 1998 suot la direcziun da Jachen Janett, cuntschaint musicist da Tschlin. La prümavaira da l’on davo ha gnü lö il prüm concert da quista fuormaziun.
Quai voul dir cha dal 2024 festagia La Cumbricula il giubileum da 25 ons.
Per restar fidel a seis nom "La Cumbricula" - chi’d es congualabel cun üna "cumpagnia divertenta" - es gnüda l’idea da metter insembel ün program tuot special pels concerts da giubileum da la stà 2024 (il seguond concert ha lö a Schlarigna). Per mincha chantadura e mincha chantadur nu daja alch plü divertent co da pudair chantar sia aigna chanzun prediletta. Ed uschè es nada üna glista cun las 15 chanzuns predilettas da minchüna e minchün da l’ensemble. Il resultat da quista tscherna es ün program da concert multifari, chi demuossa il grond spectrum dal savair cantic da l’ensemble.
Uschea vegnan preschantadas, sper chanzuns rumantscha tradiziunalas, eir ovras sacralas, chanzuns popularas da differents pajais e cumposiziuns modernas. Selina Bontognali-Fluor dirigia La Cumbricula.

Unter dem Titel "Aus unserem ganzen Herzen" präsentiert das engadiner Ensemble La Cumbricula unter der Leitung von Selina Bontognali-Fluor 15 Lieblingslieder der einzelnen Chormitglieder. Dies zum Anlass des 25-jährigen Jubiläums des Chores. Das Konzertprogramm ist vielseitig und widerspiegelt die grosse Bandbreite des sängerischen Könnens dieser Formation. So kommen nebst traditionellen, romanischen Liedern auch sakrale Werke, ausländische Volkslieder und modernere Kompositionen zur Aufführung.

Veranstaltungsort

Verantwortlich für diesen Inhalt Tourismus Engadin Scuol Samnaun Val Müstair AG.

Guidle Logo

Diese Webseite verwendet Inhalte von Guidle.